زفــه الحب فيني مثل حلم المـــــنام
... وسار في دروب حبـــي لين ما دلهـــــــــا
جاء لقلبي وفوقه طار سرب الحمام
... هز روضة خفـــــوقي وعـــاش في ظلها
الزهر شوق قلبي والسحايب غــرام
... لو تفيض المشـــــــــــاعر تمطــر لخلها
تمطر الشعر فينا لين حد الهيـــــــــام
... لين نشوة غرام الحب نوصـــــــل لهـــا
كنا بين الصباح وكنا بين الظـــــــلام
... مره نرقى لغيمـــه ومره ننـــــــــــــزلها
وسدرة الحب منها نسمع احلى كلام
... من جمال الحــــكاوي صرنا نسهر لها
وفوق نهر المشاعر طار خلي وحام
... قال جنة غرامك ودي احتـــــــــــــــلها
قلت نورك حبيبي مثل بدر التمـــــام
... لك حياتي وعمري وانت بدر ٍلــــــها
وجات نسمه معاها وردتين وسام
... يوم عـــشنا المحبه جت لنا كلـــــــها
موضوع: ...... غرام الحب ...... ...... غرام الحب ...... 
الثلاثاء يونيو 03, 2008 10:14 am
